Kaban ni D_BystandeR: WALAY KATAHA ANG MGA BISYOSO

Mao nang di mahadlok ang mga trabahante sa city hall ug sa mga barangay halls nga sakop sa syudad tungod kay ang maong "drug test" nga ilang gipahigayon "way ngipon" ug di angay kahadlokan. Dili sila malagpot sa trabaho ug di sab sila bation ug kauwaw sa ilang gibuhat nga bisyo mahitungod sa "suyop-suyop" kay magpabilin man sila sa ilang trabaho ug gipanalipdan pa gyud ang ilang pangalan nga di masugamak sa kauwaw aron dili sila tawgon ug "adis-adis" tungod sa kusganong pahimangno ni Mayor Mike Rama nga kinahanglangpanalipdan ang "privacy" niadtong masakpan nga nigamit ug drugas aron dili sila mauwawan. Ug kinsa tong masakpan dili niya ipalagpot sa trabaho kay alang niya kinahanglan  nga ipa-rehabilitate ang maong empleyado. Ang ubos nakong pangagpas niini mao nga gipanalipdan ni Mayor Mike ang kahigayonan nga kon pananglit kadtong nasakpan iyang mga sagabay sa politika kon malagpot sa trabaho  anugon kaayo para niya ang mga boto sa ilang tibuok  pamilya ug mga kaparyentehan ug nahadlok siya nga di na siya makadaug sa sunod eleksyon kon iyang palagpoton ang mga "adis-adis."

Footnote: The above-comment came out in connection with a Sunstar headline, "3 barangay workers positive of drug use."