BINGKA

paboritong kalan-on sa iskina,

gaan kaayong mapalit sa bulsa,

makapabusog bisag sinsiyo ra ang imong dala,

kainit sa ibabaw ug ubos ang gamiton,

bingka hulmahon ug pabugduhon,

may pinaliki, may humok daw mamon,

may bingkang kuninitan,

ang kalami niini ilogan,

awayan, tapok-an sa gutom,

ilabina sa mga bungoton,

sa bingka ang tanan ilang buhaton,

sila mahimong arogante ug mapasigarbohon,

sila mahimong salawayon,

kon kabangis palutawon, kon bingkang balikonon,
tukbon, kan-on ug laing hingaon.

KAHAYAG