KUMAGAT

sagad magpanilap, maglumpayat,

dili mahimutang, manghamag,

batid sa pagpangitag matukob,

dili mohunong hangtod magtakihod,

ang iring ehemplo sa pagka kumagat,

ang pangiring magumikan sa paugnat sa ugat,

may mga binuhat, dali kaayong maahat,

makakita'g tukbunon, modayog layat

bisa’g magkayamukat, magkabayayat

dili magsapayan, basta lang makapakiat

human sa buhat nga kinawatkawat,

masugamak, dabodabo, kinumo mag aso-aso,

pangiring may sangpotanan,

pagkakumagat may kinutuban,

dili mahimong imohon ang tanan,

pamilinbilin, panid-i ang matag lakang,

delikado’ng sa umaabot, ikaw pan-an,

ikaw ang maunay, sa kakumagat nimong gihuptan.

KAHAYAG