PANGAPO

kamatuorang dili kapugngan,

timailhan sa lut-od sa katuigang,

gipas-an sa singot gipatud-an,

sa kusog gigamitan, gihagoan,

gitugkad ang daghang hagit,

magkabulingit ug magkayungit

ganti nga dili masayonsayon,

pagkaginikanan, sagad maagian,

kadasig kanunayng huptan,

tukmang dalan maoy pagasubayon,

maayong binuhatan pandayon,

hangtod muabot sa pagpangsubol,

mga apohan ang mutultol,

ang pagpangapo, usa ka gasa kini,

katumanan sa kakuging wala mawani..

KAHAYAG