YAWE

butang galamiton sa pagpangabli,

manghatag ug tubag sa pakisusi,

may dagko ug gagmay'ng yawe,

may mahilig magsige’g pangyawe,

bisag asa maabot magdaladala'g yawe,

dali kaayong makatimpasaw,

dili atrasan mabag-o ug mabahaw,

lainlaing ganghaan iyang yawehan,

dili magpabangbang sa kalihokan,

hangtud maabtan’s sakit nga kamatuoran,

ganghaan niyang nayawehan,

nangita diay ug kabinlan,

kahatagan sa gaba nga gikahadlokan,

sakit kining walay kaayohan, yawe nga lihokan,

sa paglaom siya mapagngan.

KAHAYAG