Kaban ni D_BystandeR: NAKAMATA SA KAMATUORAN HUMAN SA DUHA KA TUIG NGA PAGKATULOG SA PANSITAN??

Ang akong gikahibudngan ngano nga masuko man ang polis nga sakop sa SWAT sa Mandaue City Police Office nga duha na man diay ka tuig nga nagbuwag ang managtiayon sigon sa balita. Dili makatarunganon ang gibuhat sa SWAT ngadto sa iyang asawa kay sayonan ka ba god nga sulod na diay sa duha ka tuig wa na gyud siya magtagad sa iyang asawa? Maayo ang SWAT kay pirmi tingali siyang dunay gikalingawan apan sa maong buhat iyang gipasagdahan ang lawasnong panginahanglan sa  iyang asawa ilabi na nagpangidaron pa ra ba ug 31 ug batan-on  pa. Maayo lang na buhaton niya ug ang iyang asawa tiguwang  na ug wa nay maibog pa. Ug ang maong pagpasagad sa bana  maoy nakatukmod niini sa "pagpakasala." Ang sad-an niining tanan, kon akoy pasultihon, mao ang SWAT nga bana sa maestra. Wa hinganli ang ilang mga pangalan sa maong balita aron  pagpanalipod sa ilang "privacy" ilabi na nga duna na silay upat ka buok anak. Apan ang makalulooy mao si "Sir" kay gihimoan ug "black-eye" sa SWAT sa dihang naabtan kini didto sa ilang panimalay sa lungsod sa Liloan, Cebu.

Footnote: This comment came out in connection with a news report in Banat News, entitled, "Sakpan si Mam ug Sir." It came out on 02/06/15.