IKID

makita sa binuhat nga mag-ikis ikis maglakaw,

makapapugwat, makapalugwa sa kalimutaw

sa magtan-aw, sa singot makapalugmaw,

ilabi na'g may mosiwil ug mogimaw,

padugang sa pusta sa gitan-aw,

ikid niya inanay apan kanunay,

kasagaran sa mga babaye makita ang ikid,

lakip sa mga magpaila'ng babaye moikid,

gagmay’ng hawak ug sampot ilabyog,

tinaguan’g gisipitan magtabyog-tabyog,

sa ikid ang magtan-aw, magduhiraw,

magpamaak, magpanakla, matunaw...

KAHAYAG