Kaban ni Tony: DAMGO

DAMGO...

samtang anaa ka sa lawom mo’ng paghikatulog,

inobanan sa mabognaw’ng huyohoy,

sa daklit nagpakita ang nagkadaiyang

larawan sa imong mga damgo,

nga usahay gibati mo ang kamaya ug kasilag,

ug unya ang tanan mahanaw

kay nagkadoul na ang kaadlawon,

pipila nalang ka gutling muhabol na

sa kalibotan ang kahayag ug unya

ang tanang mga damgo mahimo’ng

tipik na lang sa katulogon…..

(Bug-os ang pasalamat sa KAHAYAG ngadto sa nagsulat sa garay nga si  Tony Dangcalan, taga dakbayan sa Sugbo.  Bisan sa kahamptong na sa iyang pangedaron, nagpabilin siya’ng nag-atiman sa nagbaga niyang kadasig sa pagpaambit sa mga garay nga hinukad gikan sa kinauyokan’ng bahin sa iyang kasingkasing aron pagtuman sa gimithi’ng pagsabwag sa maayong pulong nga binisaya).