Kaban ni Atty. J. B. Jimenez: D...I....L....A'....... NGA .....M..A..K..A..S..A..S..A..L..A'..

D...I....L....A'....... NGA .....M..A..K..A..S..A..S..A..L..A'..

Pagkadaghan Sa Mga Gugma’ng Nahisangko Sa Kayugot',

Tungod Sa Mga Mapangahason Mong Mga Bagotbot,

Sa Mga Pulong Mong Mga Bakak Ug Mga Butbot,

Pagkadaghan Sa Mga Panaghi-usang Hugot,

Nga Imong Gibugto', Gihatod Sa Kalagot,

Pagka Bangis Mo Dila,' Sa Kaligotgot,

Ikaw Ba Ang Tinubdan sa Kagubot.

Ug Ang Mipatay Sa Panagsabot?

Pagka Daghan Sa Mga Nasod Nga Nagka-away,

Tungod Kay May Hilo Ang Imong Mga Laway,

Tugob Ka Sa Panglibak Ug Mga Panaway,

Mora'g Ikaw Ang Gipadala Sa Panuway,

Mga Pasumangil Mo, Gatangag Away,

Puno' Sa Mga Bakak Ug Mga Law-ay,

Mora’g Iro’ng Buang Naga Laway.

Mora’g Kugita’ng Dagha’g Gaway.

(Bug-os ang pasalamat sa  KAHAYAG  ngadto sa nagsulat sa  garay    nga si  ATTY. JOSEPHUS B. JIMENEZ.   Usa siya ka kanhi Department of Labor and Employment  (DOLE)  Undersecretary, kanhi Vice President, PEPSI COLA PHILIPPINES, kanhi Director for Labor Relations, SAN MIGUEL CORP., kanhi Personnel Director, PETRON ug PNOC, magtutudlo sa kurso sa abogasya sa mga dagkong tunghaan sa Manila sama sa UST, FEU, UE, SAN SEBASTIAN,  kanhi Labor Attache ngadto sa mga nasod sa Malaysia, Kuwait ug Taiwan,  magsusulat sa nagkadaiyang libro sa mga nagtuon sa kurso pagka abogado. Nagikan siya  sa pamilya nga taga Ronda, Dumanjug ug Argao sa lalawigan sa Sugbo. Malamposon kaayo siya sa pagkab-ot sa iyang damgo ug tinguha, ug karon magtampohan sa peryodikong The Freeman isip magsusulat ug artikulo matag semana. Siya ang tigtukod sa grupo sa mga magsusulat nga magtatampo sa grupong LAB-OK  kon  LUNSAY NGA AMBAHAN SA MGA BISAYA SA FACEBOOK)