Kaban ni Richard: AMAHAN

AMAHAN

Ikaw ang binuhat nga

naghupot sa renda sa tingusbawan,

nga nahunlos sa  panahon,

sa nag aliwaros nga pakigbisog,

alang sa lunsay og mahayag nga ugma sa pamilya.

Tatay,  Papa, Daddy,

binuhat nga angay yukboan,

kay gasa gikan sa kahitas-an,

nga mahimong sulondon sa tanan niyang kaliwatan,

nga dili hitupngan sa lagda sa katilingban.

Oh, akong amahan,

ikaw ang haligi sa pamilya,

sombanan sa katarong og kaangayan,

sa lapyahan sa pangindahahay,

sa nagduhiraw nga panumdoman.

Petsa desiotso  sa Hunyo

adlaw sa mga amahan, kang kansang

 pagmahal og pag-amoma, natingub  kang

inday og dodong, nga bisan sa kalisud og kahagip-ot,  mokayud og mowadwad, ning gikuslad tang kahimtang.

(Bug-os ang pasalamat sa KAHAYAG ngadto sa nagsulat sa garay nga si  Richard “Ondo” Paghasian, nga nanimuyo sa Casuntingan, dakbayan sa Mandaue. Magsusulat siya ug magbabasa ug mga balak gani, nahimo na usab siyang kampeyon sa  lain-laing bangga sa balak nga iyang gisalmotan.)