HUOT

talan-awon sa butang nga manghugot,

apiki ug lisod ang pagpasulod sa huot,

pahuot, buhat nga makatagamtam ug huot,

luag, tugalhab, ug magbuka kon dili na huot,

sa natad sa pagpahuot, may makapangutkot,

agtang mangunot, mahibulong nganong sapnot,

dili tukma sa gipaabot, luag na kaayo daw pukot

nasipyat, dili diay sukod, sa pagpahaum ug pagpahuot,

hal-upanan nga karaan ang nasudlan,

hala mga kugihan’g nagtukaw, kini bantayanan,

ang pagpahuot, inantigo, ang butang huot,

magbarog sa hugot nga paniid ug paningkamot...

KAHAYAG