Kaban ni D_BystandeR: ANG TANAN'G KAYUGOT GIHAN-OK NGADTO NI TOMMY

Magbasa ka sa sinuwat ni Bobby morag ang tanan niyang kayugot iyang gihan-ok ngadto ni Tommy. Hinay-hinay lang Bob, basin ug ikaw maoy mag-una ni Tommy ngadto

sa "finish line." Hunahunaa nga ikaw ra ba duna kay "heart."

Ug di ka magmatngon sa imong panglawas daghan na baya ang giataki tungod sa siging pangugat ug kini paminaw ko daw sa dugay na ning imong gibating kayugot ni Tommy. Basin ug duna nay nag-umido nga samad sa imong "heart" ug wa lang nato hibaw-i nga basin ug mokalit lang unya ka ug kirig kanang iatol nga matulog ka unya inigmata nimo tua na diay ka ubos sa mabinantayong kamot sa usa ka "embalmer" - simbako lang layo ra to ug uwangon ug pito ka lawod!

(Bug-os ang  pasalamat sa KAHAYAG ngadto sa magtatampo  nga si JOHNNY LOVE. Nagtakuban siya sa pangalan, "D_BystandeR".  Natawo siya sa Sugbo apan anaa na karon manimuyo sa Illinois sa tinipong nasod sa Amerika. Ang kusog nga koneksyon sa kasayuran pinaagi sa internet kanunayng naghaling sa iyang kadasig  pagtuki sa mga nagbukalbukal nga hisgutanan dinhi sa atong nataran. Usa siya ka magsusulat nga gradwado sa kursong komersiyo padulong sa pagka accountant sa University of San Carlos kaniadtong tuig 1961.  Nahimo siyang miyembro sa usa ka hugpong sa mga batan-ong magsusulat nga gitawag ug STUDENT PRESS.  Nahimo usab siyang   Associate Editor sa basahon  USC-JPIAN sa tuig 1962-63. Magtatampo usab siya isip magsusulat sa nasudnong magasin,  "Philippines Free Press" ug sa mga nag-unang peryodiko dinhi sa dakbayan sa Sugbo sa lunhaw pa ang iyang pangedaron. Nahimo siyang mamumuo sa usa ka pribadong kompaniya sa dakbayan sa Sugbo, ESCAÑO LINES, sulod sa napulo ug duha (12) ka tuig  dayon niyang tapon  ngadto sa NAPOCOR  ug nahimong kawani sa kagamhanan  sulod sa bayente dos (22) ka tuig. Niadtong tunga-tungang bahin sa tuig 2000, nilalin siya ngadto sa tinipong nasod sa Amerika ug sulod sa napulo (10) ka tuig, nagtrabaho siya sa  buhatan sa kagamhanan sa nasod sama  sa  UNITED STATES POSTAL SERVICE (USPS).  Karon sa pangedaron nga 68,  gihuptan gihapon niya ang walay pagkutat nga kadasig ug walay busganan nga kaikag sa pagpaambit sa iyang nahuptang abilidad  ug kabatid sa panulat.  Dili niya mapugngan ang kaugalingon sa pagpaambit sa iyang mga hunahuna labi na kon molambigit kini ug hisgotanan nga makadani sa iyang mga mata. Makadawat siya sa inyong mga hunahuna mahitungod sa iyang sinulat sa johnnylobedica@yahoo.com)