Kaban ni Estela: MASKARA

MASKARA

..dinhi ning kalibutan nga gipuy-an ta..

..daghan ang nagsul-ob ug maskara..

..maskara sa pagpakaaron-ingnon..

..pagtabon sa tinud-anay nga bayhon..

..kunuhay nagpahiyum ang panagway..

..apan ang kahiladman nagdaghong sa tiunay..

..kunuhay buotan ug maayo ang batasan..

..apan diay manulunda ug lampingasan..

..lisod ilhon kon si kinsa ang nagmaskara..

..nagtakuban aron itago kon kinsa gayud siya..

..tungod kay ang mga mata dali malingla..

..apan kon kasingkasing na ang mogiya..

..ang kamatuoran sa hingpit madayag na..

(Bug-os ang pasalamat sa KAHAYAG ngadto sa nagsulat sa garay nga si  Estela Parnoncellon-Jorza,  usa sa mga binuhat nga naghupot ug bulawanong pluma sa panulat sa pinulongang binisaya, kang kansang mga sinulat napatik  sa grupo Ludabi sa Facebook).