Kaban ni Atty. J. B. Jimenez: P...A...N...G...A...N...D...O...Y....

P...A...N...G...A...N...D...O...Y....

Gisundan ko ang imong mga pag abi-abi,
Sa tibuok adlaw ug hangtod sa gabii,
Gipangita ko ang imong katumanan,
Gilauman, Gihandum sa gutlo nga tanan,
Misalig ako sa mga matam-is mong pulong,
Bisan ang mga Gumonhap Nagtangag ug Kahibulong,
Milaum Ako sa mga Maanindot mong Saad,
Nga Sa Mga Tigmo' sa Kinabuhi Maoy Mohubad,
Ikaw ang Dan-ag Nga Maga Tultol Sa Dalan,
Diin Ko Hiplagan ang Gidamgong Kadaugan.

Ikaw ang Magdadasig Sa akong Galamhan,
Nga Usahay Gidanokan Sa Mga Suliran,
Bisan Ug Bug-at ang Akong Palas-anon,
Ikaw ang Nagpagaan Sa Mga Gisangon,
Ikaw Ang Nagahatag kanako Ug Kusog,
Nakabaton ako Ug Kadasig Ug Kaisog,
Ikaw ang Nakaluwas Sa Mga Nalarag,
Nga Damgo Ug Pangindahay ning Kalag,
Ikaw ang Bugtong Kaabag Ko Sa Pakigbisog,
Ikaw PANGANDOY ang abyan ko Sa Panlimbasog...

Atubangon Ko Ang Tanang Gumonhap Ug Babag,
Bisag King Kinabuhi Ihalad Ko Kanimo Ihatag,
Masil-ingan Ko Lamang Ang Imong Katahom,
Andam Kong Talikdan Ang Bahandi Ug Gahom...

(Bug-os ang pasalamat sa  KAHAYAG  ngadto sa nagsulat sa  garay    nga si  ATTY. JOSEPHUS B. JIMENEZ.   Usa siya ka kanhi Department of Labor and Employment  (DOLE)  Undersecretary, kanhi Vice President, PEPSI COLA PHILIPPINES, kanhi Director for Labor Relations, SAN MIGUEL CORP., kanhi Personnel Director, PETRON ug PNOC, magtutudlo sa kurso sa abogasya sa mga dagkong tunghaan sa Manila sama sa UST, FEU, UE, SAN SEBASTIAN,  kanhi Labor Attache ngadto sa mga nasod sa Malaysia, Kuwait ug Taiwan,  magsusulat sa nagkadaiyang libro sa mga nagtuon sa kurso pagka abogado. Nagikan siya  sa pamilya nga taga Ronda, Dumanjug ug Argao sa lalawigan sa Sugbo. Malamposon kaayo siya sa pagkab-ot sa iyang damgo ug tinguha, ug karon magtampohan sa peryodikong The Freeman isip magsusulat ug artikulo matag semana. Siya ang tigtukod sa grupo sa mga magsusulat nga magtatampo sa grupong LAB-OK  kon  LUNSAY NGA AMBAHAN SA MGA BISAYA SA FACEBOOK)


Comments

Popular Posts