K A P A R O T A N

KAPAROTAN

talan-awon nga  musukwahi  sa kalamposan,

puston ug  kagul-anan, minghoy ang abagahan,

may masapyot,   luspad ug kutoy ang tiyan,

sagad kaparotan pagahikit-an sa sugalan,

daghang sinsiyo mangatagak, hasta tinipigan,

ang tanan maratsada sa pait nga kaparotan,

panagtigi sa abilidad, prinsipyo ug baroganan,

mahimong sugnod sa mapait nga kaparotan,

pagpasagad, pagkataspokan manganak ug kaparotan,

sa usa lang kapamilok, ikaw lamyon sa kaparotan,

sa dili pa maulahi ang tanan, kaparotan pugngan.

buhion ta kanunay ang bantayog sa kalampusan…