ANG PAGHINUKTOK

Walay imik, walay pupamilok ug walay pagpanginlabot sa kasikas sa palibot, ang tanang makita ug masud-ongan sa binuhat nga maghinuktok.

Sobra ka lawom ug daw  wala nay kataposan ang panagway nga gihabolan sa kamingaw ang maghinuktok. Wala gyuy pulong ang malitok gawas lamang sa hungawng tutok. 

Ang daghang problema,  pait nga kasinatian ug ang kakulang sa kahigayonan aron makapadayag ug kahayahay sa panghunahuna, makatukmod sa paghinuktok.

Adunay lalaki nga naghinuktok ang gitugaw, "Dong pagkagarboso ba nimo. Mura ka man  ug wala makakita nako. Nagkaupaw ka man lang."

Si Dong mitubag, "Day, pasayloa ko sa paghinuktok. Nahutdan gyud ko sa pulong alang kanimo."

Namulong si Day, "Dong, sayod ko nga maayo ka mobulatik, Ok ra nako oi."

Si  Dong nibuhi ug hilaw nga asoy, "hehehe, Day, naghinuktok na lang ko basin maabtan ko sa selosa nakong  asawa nga makig-estorya nimo maduklan na gyud ko. Tan-awa naupaw  na intawon ko sa pagsige niya ug larot  sa akong buhok.  Sige ha mopadayon pa ko sa paghinuktok.”