Kaban ni Atty. J. B. Jimenez: MGA SAMPAGUITANG NANGALARAG

Sampaguita

Mga Bulak Nga Higabhian Ug Hibuntagan,

Nga Naghulat Sa Ilang Katumanan,

Malayo Ang Tumong Sa Ilang Tinan-awan,

Sa Mga Umaagi Nga Sakyanan,

Daw May Gipaabot Nga Wala Naman,

Apan Nagpabiling Nagbarog Sa Dapli'g Dalan,

Mga Saampaguitang Nalarag sa Kalibotan,

Dinhi Ning Mangiob Nga Kalibotan.

Gitamihid Sa Maot Nga Katilingban,

Gilibak, Giyubit Ug Gikataw-an,

Apan Nagpadayon Sa Iyang Naandan,

May Anak Kang kansang Kinaadman,

Ang Iyang Kita' Ang Gisaligan,

Mga Igsuon Ug Ginikanan,

Siya Ang Gisandigan.,

Sampaguitang Bulak Sa Lubasan.

Kanang Bulak Nga Larag Sa Dalan,

Mutya Sa Mga Mata Sa Kahitas-an.

(Bug-os ang pasalamat sa  KAHAYAG  ngadto sa nagsulat sa  garay   nga si  ATTY. JOSEPHUS B. JIMENEZ.   Usa siya ka kanhi Department of Labor and Employment  (DOLE)  Undersecretary, kanhi Vice President, PEPSI COLA PHILIPPINES, kanhi Director for Labor Relations, SAN MIGUEL CORP., kanhi Personnel Director, PETRON ug PNOC, magtutudlo sa kurso sa abogasya sa mga dagkong tunghaan sa Manila sama sa UST, FEU, UE, SAN SEBASTIAN,  kanhi Labor Attache ngadto sa mga nasod sa Malaysia, Kuwait ug Taiwan,  magsusulat sa nagkadaiyang libro sa mga nagtuon sa kurso pagka abogado. Nagikan siya  sa pamilya nga taga Ronda, Dumanjug ug Argao sa lalawigan sa Sugbo. Malamposon kaayo siya sa pagkab-ot sa iyang damgo ug tinguha, ug karon magtampohan sa peryodikong The Freeman isip magsusulat ug artikulo matag semana. Siya ang tigtukod sa grupo sa mga magsusulat nga magtatampo sa grupong LAB-OK  kon  LUNSAY NGA AMBAHAN SA MGA BISAYA SA FACEBOOK)