Kaban ni Atty. J. B. Jimenez: KANUS-A MAHIMONG TUKMA' ANG SAYOP... ASA MAHIMONG IGO' ANG KULANG?


Kon Mosimang ang Binuhat  Sa Liko Likong Dalan,
Dinhi Ning Makalibog Nga Mga Nanag Bansiwag Nga Agianan,
Kon Ang Gipanag Timbang, Mamatud-an Nga Kulang,
Kon  Molapas Na ang Gitahasan Sa Utlanang Nag Ulang,
Kanus-a Ba Gayod Mamahimong Tukma Ang Sayop,
Kanus-a Mas Taas ang Salog Kay Sa Atop?
Asa Mahimong Igo' Ang Kulang Sa Sukdanan,
Unsaon Man Pag ka Tukma' Sa Sayop Nga  Timbangan?

Tulokibon Ang Mga Gumonhap Ning Kalibotan,
Daghang Mga Tigmo. Nga Walay Tukmang Kahulogan,
Daghang Mga Naghingapin Nga Nahigugma sa Kulangan,
Daghang Mga Halawom Nga Mabaw Ang Hinalaran,
Usahay Ang Nahauna Mao Na Hinooy Mabiyaan,
Samtang Ang Naulahi Maoy Mauna sa Gipaningkamotan,
May Mga Gutlo' Nga Hiwi' Ang May Lig-ong Karaongan,
Ug Ang Mga Halangdon Nahimong Taphaw Sa Mata's Katilingban...





(Bug-os ang pasalamat sa  KAHAYAG  ngadto sa nagsulat sa  garay   nga si  ATTY. JOSEPHUS B. JIMENEZ.   Usa siya ka kanhi Department of Labor and Employment  (DOLE)  Undersecretary, kanhi Vice President, PEPSI COLA PHILIPPINES, kanhi Director for Labor Relations, SAN MIGUEL CORP., kanhi Personnel Director, PETRON ug PNOC, magtutudlo sa kurso sa abogasya sa mga dagkong tunghaan sa Manila sama sa UST, FEU, UE, SAN SEBASTIAN,  kanhi Labor Attache ngadto sa mga nasod sa Malaysia, Kuwait ug Taiwan,  magsusulat sa nagkadaiyang libro sa mga nagtuon sa kurso pagka abogado. Nagikan siya  sa pamilya nga taga Ronda, Dumanjug ug Argao sa lalawigan sa Sugbo. Malamposon kaayo siya sa pagkab-ot sa iyang damgo ug tinguha, ug karon magtampohan sa peryodikong The Freeman isip magsusulat ug artikulo matag semana. Siya ang tigtukod sa grupo sa mga magsusulat nga magtatampo sa grupong LAB-OK  kon  LUNSAY NGA AMBAHAN SA MGA BISAYA SA FACEBOOK. Hinubad kini sa garay nga gisulat mismo ni Atty. Jimenez sa pinulongang Iningles, "WHEN APRIL BLEEDS NOSTALGIA. Halad kini apasumpay sa paambit nga naghisgot ug GILOK sa nataran sa LAB-OK)






Comments

Popular Posts