Kaban ni Atty. J. B. Jimenez: BIYERNES.. TRESE.. BOMBA.. GIKAN SA AMIHANANG KOREA

Ugma' May Dakong Lanog Nga Mouyog,
Sa Kalibotang Mahitiurok Sa Pagtay-og,
Ugma May Bomba Nga Modahunog,
Maga-om om Ug Makalilisang Nga Linog.

Magpaila Ang Usa Ka Nasod Nga Maton,
Nga Mobuot Manghadlok Sa Ubang Nasyon,
Ugma' Modulom Ang Kalikopan Morag Kagabhion,
Mo sulbong Sa Kahitas-an Higanteng Kanyon.

Nganong Dinhi Sa Pilipinas Gi Tumong,
Ang Mga Maperhwesyo Asa man Mosumbong,
Ugma' Usa Ka Dakong Bomba Mosulbong,
Mao Nga Daghan Ugma Dili Gayod Motambong.



(Bug-os ang pasalamat sa  KAHAYAG  ngadto sa nagsulat sa  garay   nga si  ATTY. JOSEPHUS B. JIMENEZ.   Usa siya ka kanhi Department of Labor and Employment  (DOLE)  Undersecretary, kanhi Vice President, PEPSI COLA PHILIPPINES, kanhi Director for Labor Relations, SAN MIGUEL CORP., kanhi Personnel Director, PETRON ug PNOC, magtutudlo sa kurso sa abogasya sa mga dagkong tunghaan sa Manila sama sa UST, FEU, UE, SAN SEBASTIAN,  kanhi Labor Attache ngadto sa mga nasod sa Malaysia, Kuwait ug Taiwan,  magsusulat sa nagkadaiyang libro sa mga nagtuon sa kurso pagka abogado. Nagikan siya  sa pamilya nga taga Ronda, Dumanjug ug Argao sa lalawigan sa Sugbo. Malamposon kaayo siya sa pagkab-ot sa iyang damgo ug tinguha, ug karon magtampohan sa peryodikong The Freeman isip magsusulat ug artikulo matag semana. Siya ang tigtukod sa grupo sa mga magsusulat nga magtatampo sa grupong LAB-OK  kon  LUNSAY NGA AMBAHAN SA MGA BISAYA SA FACEBOOK)







Comments

Popular Posts