Kaban ni Inting Botikol (JSL): UNANG PANGULO SA ATONG REPUBLIKA
 |
| Manuel Roxas |
Si Presidente Manuel Roxas natawo sa Enero 1, 1892 didto sa
Capiz sa mga ginikanan nga Gerardo Roxas ug Rosario Acuna.
Topnotcher siya sa Bar Examination sa 1913. Sa wala pa siya
mapresidente sa nasud, nahimo siyang gobernador, congressman ug Senate
President.
Sa 1939, gitudlo si Roxas nga Secretary of Finance ni
Presidente Manuel Quezon.
Daku’g ranggo siya sa ikaduhang gubat sa kalibutan isip
Brigadier General sa USAFFE ug nadakpan siya mga Hapon didto sa Malaybalay,
Bukidnon kaniadtong 1944.
Kun dili pa si “Puppet President” Jose P. Laurel Sr.,
gipatay na si Roxas sa mga Hapones segun sa atong kasaysayan.
Sa piniliay sa nasud kaniadtong Abril 23, 1946 gipildi ni
Roxas si Commonwealth President Sergio Osmeña Sr. sa bugnong lugaynon niadtong
tuiga.
Wala siya makatapos sa iyang termino sa pagka-pangulo sa
nasud kay namatay siya sa atake sa kasingkasing, kon “heart attack” pagkahuman
niya sa iyang mainitong pakigpulong sa “Clark Air Base,” Pampanga kaniadtong
Abril 15, 1948.
Anak ni Presidente Manuel Roxas si Senador Gerry Roxas ug
iyang apo si DOTC Secretary Mar Roxas.
Agi’g pasidungog ngadto kaniya ang atong one hundred peso
bill nagadala sa iyang hitsura isip last President of the Commonwealth and the
first President of our Republic which was inaugurated on July 4, 1946.
Bisan sa kadugay na sa panahon, lisod natong mahikalimtan si
Presidente Manuel A. Roxas nga nahimong pangulo sa atong nasud sa nahisgutang
mga katuigan.
(Bug-os ang pasalamat sa KAHAYAG ngadto sa nagsulat sa artikulo nga si JENNER S. LOBEDICA. Nagtakuban siya sa pangalan, "Inting Botikol". Usa siya ka magsusulat sa mga lokal nga peryodiko sa dakbayan sa Sugbo isip magtatampo ug mga binisayang artikulo ug uban pang mga tagik sama sa sugilagming. Nagsugod siya sa iyang panulat sa tuig 1982. Gradwado siya sa kursong abogasya sa University of San Jose Recoletos, Napatik sa Banat News kining maong artikulo kaniadtong Enero 7, 2012).
Comments