Kaban ni Atty. J. B. Jimenez: GI-UHAW AKO



GIUHAW AKO

Sa Imong Pagpakabana'
Sa Imong Pag Hinomdom Ug Paghunahuna',
Sa Imong Mga Pagpangga Ug Pag Amoma,
Sa Imong Lunsay Nga Gugma.

Dili Ko Kinahanglan ang Mga Butang,
Nga Maoy Punoan Sa Salimuang,
Dili Ko Kinahanglan Ang Regalo,
Nga Maoy Sinugdan Sa Gulo.

Gi-uhaw Ako Sa Mga Gutlo',
Diin Ang Atensyon Mo Akong Ako',
Gi-uhaw Ako Sa Imong Parayeg,
Sa Imong PagMahal Ug Pagsalig.

Gi-uhaw ako Sa Imong Kainit,
Nga Maoy Makahumpay Sa Kasakit,
Giuhaw Ako Sa Imong Gakos,
Bisan Kining Biniyaan Dili Takos.

Gihidlaw Ako Sa Mga Takna',
Nga Ang Mga Ngabil Nato Nagkatukma;'
Gimingaw Ako Sa Mga Adlaw,
Diin Ang Mga Pagbating Natulog Napukaw.


(Bug-os ang pasalamat sa  KAHAYAG  ngadto sa nagsulat sa  garay    nga si  ATTY. JOSEPHUS B. JIMENEZ.   Usa siya ka kanhi Department of Labor and Employment  (DOLE)  Undersecretary, kanhi Vice President, PEPSI COLA PHILIPPINES, kanhi Director for Labor Relations, SAN MIGUEL CORP., kanhi Personnel Director, PETRON ug PNOC, magtutudlo sa kurso sa abogasya sa mga dagkong tunghaan sa Manila sama sa UST, FEU, UE, SAN SEBASTIAN,  kanhi Labor Attache ngadto sa mga nasod sa Malaysia, Kuwait ug Taiwan,  magsusulat sa nagkadaiyang libro sa mga nagtuon sa kurso pagka abogado. Nagikan siya  sa pamilya nga taga Ronda, Dumanjug ug Argao sa lalawigan sa Sugbo. Malamposon kaayo siya sa pagkab-ot sa iyang damgo ug tinguha, ug karon magtampohan sa peryodikong The Freeman isip magsusulat ug artikulo matag semana. Siya ang tigtukod sa grupo sa mga magsusulat nga magtatampo sa grupong LAB-OK  kon  LUNSAY NGA AMBAHAN SA MGA BISAYA SA FACEBOOK)




Comments

Popular Posts