PAMALANDONG UG PAGHINULSOL

 mga buhat nga  mopasabot   sa    pagyukbo ug pagdawat nato  sa atong pagkamakasasala.  Ikaw, ako, kitang tanang makasasala,  nagbaton ug  tagsa-tagsang dalan sa pagpakabuhi ug paningkamot dinhi sa kalibotan.  

Mahimo ang pamalandong ug  paghinulsol pinaagi sa kinasingkasing  nga  pagladlad sa tanang kahuyang, kahiwian, kahakog, pagpanglupig, panglingla, pamintaha ug ubang mga buhat nga nakapadala kanato sa dalan  palayo sa sugo sa balaang kasulatan.

Ang pamalandong ug paghinulsol, mopapitik sa atong kasingkasing, motisok  ug liso sa bag-ong pagpakabuhi sa alimpatakan, modangilag ug kahayag sa pagbaton ug malumo nga kasingkasing aron ikasabwag, maapod-apod kanatong tanan, kaigsoonan.

Karong adlawng Biyernes Santo, bugtawon ta pinaagi sa pamalandong ug paghinulsol sa atong mga sala ang pagpasakit ug pagsakripisyo sa atong  Manunubos alang  kanatong tanan.