S E L O S

pulong nga magdala ug pangigi, pagduda ug walay hunong nga pangunot sa agtang ug pangyamiid sa binuhat nga giputos ug selos,  iyang dughan walay hunong sa pagkulba, magbutokbutok,  iyang  kabalisa manggimok.


ang selos, mahimong  sinugdanan  sa kapungot, bagutbot, ug mga kamot nga mangumot, imong buhok  mahurot ug kalarot, imong nawong mug-ot, imong mata magpitok-pitok.


Si dodong namulong, "Ayaw kabalaka day, ikaw ra gayud ang akoa."


"Bakakon! kadali gud nimong nakatutok ug lain. Pinanganga pa ka sa imong baba." ni Inday nga nagminti sa kapungot.


"Ako lang gitan-aw ang tiketa sa iyang karsones. Mura man gud ug dili orig. Kulang sa porma." ni Dodong nga naghalhal. Wala mahimutang.