Kaban ni D_BystandeR: NASIPYAT PAGTANTIYA SI SUPER BOB SA KATUYUAN SA PAGPALANSANG NI BARGAYO

Nahimuot ko nga nagbasa sa kolum ni Super Bob mahitungod sa iyang giingon nga si Gilbert Bargayo kuno magpalansang na sab sa kruz didto sa lungsod sa Tuburan sa habagatang Cebu sa ika-19 na ka higayon (in other news sources, it is the 20th time). Gikataho nga ang mahipos unya nga pipila ka "sinsilyo" atol sa maong paglansang iyang gamiton sa pagtukod ug kapilya sa Guadalupe, Carcar City.

Nagtuo tingali ni si Super Bob nga dunay manghatag ug minilyon matag palansang ni Bargayo sa krus kay mora man ug nakuyawan siya sa kadako na kuno nianang gihimong kapilya nga matag palansang mao ra bay himoong katarungan. Kon ang manambong sa iyang pasundayag manghatag pa ug labing menos dyes mil pesos, morag may katarungan tingali nga mahadlok si Super Bob sa kadako na sa maong kapilya nga gipatukod ni Bargayo. Apan nahibawo na ka Super Bob tungod sa kalisud sa panginabuhi sa mga tawo sa pagkakaron ug ilabi na nga tua siya magpalansang sa Tuburan nga layo na kaayo sa Cebu City, maayo na lang ug ang tanang manambong moitsa ug tag dyes pesos kay dunay ubay-ubay nga matigom. Hehehe.