Kaban ni D_BystandeR: NASUGAMAK SI MAYOR MIKE SA PAGDUPA SA HIGALANG KONTRAKTOR???

Wa na magkadimao ang pamahayag ni Mayor Mike Rama taliwala sa kaso nga gipasaka sa DENR batok sa WT Construction tungod sa pagkahanaw sa 79 ka mga punoan sa kahoy nga gikatahong nakuhaan ug footage sa CCTV sa dihang giyano-yano lang sa pagpanglarot sa ilang nahimutangan sinalikway ang guidelines kon unsaon pagbalhin ang mga kahoy aron unta ika-tanum pa ug balik sa laing lugar.

Dili ikalimod nga ang WT Construction usa ka dakong kontribyutor sa politikanhong panudlanan ni Mayor Mike sa miaging piniliay ug imong makita nga imbis and mayor sa syudad mao untay mangusog sa pagkiha sa maong contractor klaro kaayo nga haguka ug way gana nga mopasaka sa kiha.