MANANAMBAL

manukiduki sa kahimtang panglawas,

mga tambal kansang presyo makapaugtas,

giingong tambalanan paayuhanan,

apan may makalitan, may masud-ipan,

may makuyapan, magkalisod matiwasan,

kon moabot na ang takna’ng gikabalak-an,

mananambal magpahibalo na’s bayranan,

ikaw matunolan sa taas kaayong listahan,

walay pupanuko ikaw hunghongan,

aron ba dismular, dili madunggan sa uban

may pipilang sa klinika itug-an

ang gipangandaman nimong bayranan,

pssst.. hinayon ta pagbasa kining bahina,

BIR raba magdala'g kaugalingong lista,

dili magpaulahi, mangubra pud sila’s ilaha…

KAHAYAG