MAPAKYAW BA ANG KALAMPOSAN?

gibaniog, gipasibantog,

may biya ug may inilog,

sa makabungog nga tingog,

kab-oton ang kalamposang dangog,

ang mamakyaw motingsi,

taliwala sa hagit nga makabungi,

kombati kini tali sa batan-ong opaw,

ug gulangong nailhan ug pamakyaw,

silang duha hugot nga nangandak,

sila nanaad nga walay mokakak,

mga kinumo kuno mag-aso aso,

ihilam-os ang kinumong maglagubo,

minilyong kuwarta ipang-itsa,

mga sugarol mangaukay, mangaliya,

unta dili mamunbon ilang pusta,

hala saksihan ta kuno, mga amigo,