GUGMA

Pulong nga magladlad ug kainit,

Sa gakos ug halok  kini manggunit,

Mopapitik sa tagsa-tagsa ka kasingkasing

Magpahibalo,  may masubraan mosaliring

Daghang hunahuna, daghang kasinatian

Kon gugma na maoy hisgotanan ug sumsoman

Binairay, paugatay, panagtigi ibabaw sa kamay,

Sinukdanay, mga pagdibuhong nagpasabot ug kalipay

Gugma, gugma, gugma, angayan sa pag-amuma

Ang tanan managsama,  kon gugma mangablit na.