MASKARA

Nagpasabot kini ug  pagsalipod ug pagsalimbong,

Mobara sa imong panan-aw,  kuhaan ka ug  kasayon

Sa pag-ila sa tawo’ng nagsul-ub ug maskara

Ikaw mabalisa, moturok ang daghang pangutana

Kon ikaw magsul-ob ug maskara, isip  salimbong

Tanang manan-aw,   dili gayud makahimungawong,

Piyahok  ka bang sud-ongon? Halhal ka bang tan-awon?

Ilawom sa maskara, kining tanan dali nimong malilong.

May binuhat nga hilomon, dili siya  makaharong,

Nihit kaayo ug pulong, maskara kanunay’ng sul-ubon,

Kon walay maskara,   sa singgit  siya pagatugawon, 

Sa dili maihap nga utang, siya diay nahimong kalimtanon.      

May kalakin-an’g    mahiligong mamustura,

Adlaw ug gabii, nabantog sa kakusog mangamiga,

Nasugamak sila, nakapaburot  sila ug maldita

Sa tagawtaw ligiron sila, bulsita himoon nila’ng maskara!!