Kaban ni D_BystandeR: NANGINTRIGA SI BONG???

Wa na gyud kay laing maabut Bong ang paghimo na lang ug intriga kay imong gustong ipatigbabaw mao man ang "mga kamot" nga naggawong nimo aron sa kanunay magsigi ka ug labay ug "lapok" ngadto sa Liberal Party ug ang humot para nimo mao ang "One Cebu Party" sa imong amo nga si Madam Gwen. Hasta ang uwan imo pang gihatagan ug laing kahulogan. Buot ba nimong ipasabot Bong nga tungod kay gi-uwan ang ilang miting sa imong tan-aw nidangop na ka sa pagka-matuhotuhoon? Nga ang partido sa imong amo nga si Gwen ug ang partido sa UNA maoy modaug sa eleksyon kay matud pa nimo niabut ug 80,000 ang gidaghanon sa mga tawo nga nitambong a ilang miting?  Ang maong estimate gi-kwestyon sa mga "grade schoolers" kay tungod wa magsubay sa lagda nga gilatid unsaon pagsukod sigun sa mga pamaagi nga gidawat nang maoy sumbanan tali sa gidaghanon sa mga tawo nga anaa mahimutang sa usa ka lugar nga nahibaw-an na kun unsa ang gidak-on in terms of square meter or square feet. I hope you will agree with me that in order to be fair and credible we should not employ tactics which is bordering in deception to mesmerize them into buying your argument. That Mike Rama was obsessed to move "heaven and earth" to realize a massive turnout of a mammoth crowd in that UNA proclamation rally in Plaza Independencia to boost its sagging image and credibility is best proved by the charges being leveled against him in the COMELEC for using government vehicles in violation of election law which if convicted will qualify him for a prison term of six years without probation. 

Maayo pa ang Liberal Party kay wa mo-abusar sa ilang gihuptang gahum. Apan dili sa padaghanay sa tawo nga motambong sa gihimong miting nga maoy basehan sa pagdaug sa usa ka partido kon dili sa pagka-matinud-anon sa mga tawo nga nagpaluyo niini sama ni President Noynoy kang kansang administrasyon gipasubay sa kaligdong ug katarong sa gitawag nga, "matuwid na daan."  

(Bug-os ang  pasalamat sa KAHAYAG ngadto sa magtatampo  nga si JOHNNY LOVE. Nagtakuban siya sa pangalan, "D_BystandeR".  Natawo siya sa Sugbo apan anaa na karon manimuyo sa Illinois sa tinipong nasod sa Amerika. Ang kusog nga koneksyon sa kasayuran pinaagi sa internet kanunayng naghaling sa iyang kadasig  pagtuki sa mga nagbukalbukal nga hisgutanan dinhi sa atong nataran. Usa siya ka magsusulat nga gradwado sa kursong komersiyo padulong sa pagka accountant sa University of San Carlos kaniadtong tuig 1961.  Nahimo siyang miyembro sa usa ka hugpong sa mga batan-ong magsusulat nga gitawag ug STUDENT PRESS.  Nahimo usab siyang   Associate Editor sa basahon  USC-JPIAN sa tuig 1962-63. Magtatampo usab siya isip magsusulat sa nasudnong magasin,  "Philippines Free Press" ug sa mga nag-unang peryodiko dinhi sa dakbayan sa Sugbo sa lunhaw pa ang iyang pangedaron. Nahimo siyang mamumuo sa usa ka pribadong kompaniya sa dakbayan sa Sugbo, ESCAÑO LINES, sulod sa napulo ug duha (12) ka tuig  dayon niyang tapon  ngadto sa NAPOCOR  ug nahimong kawani sa kagamhanan  sulod sa bayente dos (22) ka tuig. Niadtong tunga-tungang bahin sa tuig 2000, nilalin siya ngadto sa tinipong nasod sa Amerika ug sulod sa napulo (10) ka tuig, nagtrabaho siya sa  buhatan sa kagamhanan sa nasod sama  sa  UNITED STATES POSTAL SERVICE (USPS).  Karon sa pangedaron nga 68,  gihuptan gihapon niya ang walay pagkutat nga kadasig ug walay busganan nga kaikag sa pagpaambit sa iyang nahuptang abilidad  ug kabatid sa panulat.  Dili niya mapugngan ang kaugalingon sa pagpaambit sa iyang mga hunahuna labi na kon molambigit kini ug hisgotanan nga makadani sa iyang mga mata.)