Kaban ni D_BystandeR: MAAYONG PAGHUKOM

It's a good thing LP has decided not to stage their meeting in Cebu City but in Lawaan, Talisay City, in front of the City Hall for February 19 and the following day, Feb. 20, in the town of Liloan. Morag nahilum na si Mike kay nanghambug ra ba to siya nga "tit for tat" kuno. 

Nibahad siya nga kon mag-miting ang LP anha ra ba kuno mosangko sa iyang lamesa kay siya may mo-aprobar sa ilang application for permit. Kay nasuko man god siya nganong gibadlong sa paggamit ug mga sakyanan sa gobyerno aron paghakot sa mga tawo nga gipatambong sa ilang miting sa UNA sa Plaza Independencia. Unya ang pakyaw ra ba sa 19 ka mga dagkong bus nga gipanag-iya sa city government iya lang gihatag ug baratilyo ngadto sa UNA sa kantidad nga P10,000 ra ug matud pa ni Tommy O sobra kuno ka barato kay nahimutang na man lang ang kada usa ug tag P500, mas mahal pa ang pakyaw sa gagmayng mga sakyanan sama sa PUJ nga ug maoy pakyawon way mosukol sa presyo nga tag P500. The COMELEC should be strict to Mike Rama to see to it that regardless of his position as city mayor, he should be made answerable for his violation of the election laws. Gamay ra noon ug priso - unom ra ka tuig! Kana kun tinud-on gyud si Mike sa COMELEC aron motagam ni si Mike sa iyang panghambog. Unya ang gidaghanon nga matud pa ni city police chief Natuel miabut lang ug 25,000 ilang gi-blowup sa Sunstar ug niabut ug 50,000! Grabe kaayo modala'g inat sa numero. Apan tan-awon nato ang ilang gipanghambog nga daghang nitambong sa miting sa UNA makapugong ba unya na sa bul-og sa kainit ug kadasig nga gipakita sa mga tawo nga lunod-patay nga mga dumadapig sa Liberal Party ug sa tibook linya sa mga kandidato nga gipaloyohan niini sama nila ni Jun Davide ug Agnes Magpale, pilionon pagka-Gobernador ug Bise Gobernador ug mga kaubanan sa tibook probinsya sa Sugbo ug ingon man tibook tiket sa BOPK-LP nga gipaloyohan ni Tommy Osmena ug sa mga kauban niya sa syudad sa Sugbo. Klaro kaayo ang ilang kadaugan tungod kay ang mga tawo nga naglangkob niini pinangulohan man ni Presidente Noynoy kang kansang plataporma de gobyerno mao ang giila ug gitawag nga "matuwid na  daan" o pangserbisyo sa lungsod nga puno sa kaligdong ug katarong. 

Human sa eleksyon, inigkapildi unya sa mga "manok" ni Bong Wenceslao maayo unta ug mo-bakasyon ni siya ug usa ka buwan sama ni "Sir Bob" nga gipa-pahuway sa Sunstar ug kadiyot tungod sa "kahait" sa iyang mga komentaryo kaniadto nga iyang gisuwat sa iyang "column" sa Sunstar.

(Bug-os ang  pasalamat sa KAHAYAG ngadto sa magtatampo  nga si JOHNNY LOVE. Nagtakuban siya sa pangalan, "D_BystandeR".  Natawo siya sa Sugbo apan anaa na karon manimuyo sa Illinois sa tinipong nasod sa Amerika. Ang kusog nga koneksyon sa kasayuran pinaagi sa internet kanunayng naghaling sa iyang kadasig  pagtuki sa mga nagbukalbukal nga hisgutanan dinhi sa atong nataran. Usa siya ka magsusulat nga gradwado sa kursong komersiyo padulong sa pagka accountant sa University of San Carlos kaniadtong tuig 1961.  Nahimo siyang miyembro sa usa ka hugpong sa mga batan-ong magsusulat nga gitawag ug STUDENT PRESS.  Nahimo usab siyang   Associate Editor sa basahon  USC-JPIAN sa tuig 1962-63. Magtatampo usab siya isip magsusulat sa nasudnong magasin,  "Philippines Free Press" ug sa mga nag-unang peryodiko dinhi sa dakbayan sa Sugbo sa lunhaw pa ang iyang pangedaron. Nahimo siyang mamumuo sa usa ka pribadong kompaniya sa dakbayan sa Sugbo, ESCAÑO LINES, sulod sa napulo ug duha (12) ka tuig  dayon niyang tapon  ngadto sa NAPOCOR  ug nahimong kawani sa kagamhanan  sulod sa bayente dos (22) ka tuig. Niadtong tunga-tungang bahin sa tuig 2000, nilalin siya ngadto sa tinipong nasod sa Amerika ug sulod sa napulo (10) ka tuig, nagtrabaho siya sa  buhatan sa kagamhanan sa nasod sama  sa  UNITED STATES POSTAL SERVICE (USPS).  Karon sa pangedaron nga 68,  gihuptan gihapon niya ang walay pagkutat nga kadasig ug walay busganan nga kaikag sa pagpaambit sa iyang nahuptang abilidad  ug kabatid sa panulat.  Dili niya mapugngan ang kaugalingon sa pagpaambit sa iyang mga hunahuna labi na kon molambigit kini ug hisgotanan nga makadani sa iyang mga mata.)