SI HARING SOLOMON

Nabantog sa pagkamanggialamon, dali siyang makit-an sa iyang pagkabungoton, iyang panan-aw bahandianon, kanunay'ng magpataas sa kamapahitas-on, mga asawa lunlon batan-on.

Si Haring Solomon paglabay sa panahon, kanunay na lang mopahiyom, gahi man tuod apan ubo diay kon paminawon, nipis na kaayo'g dunggan ug ilong, nawong piyahokon, ulo upawon, agtang dangason.

Si Haring Solomon sa sabong ug tusik nga mahagiton, bugno sa mga bungotön, nahimong luyahon ug agdahönon, mas gipalabi ang pagpaubos sa pagkamapaubsanon.

Si Haring Solomon muduko na lang ug tukoyon, andam ug paawot matag tikyop sa kagabhion, nagtuaw ug nagkanayon "Bisan ug panitan, dili na man anagon. Bisan pa ug  itsahan ug dumaga, mokakak man lang gihapön'.