Kaban ni D_BystandeR: SINUKLIAY SA HUNAHUNA


Juricks wrote, in response to D_BystandeR:
mao bah may pinagsamahan d.i ni Super Bob ug si Mike.. Bantog dli nya labhan bisan ug hinanggaw ning sulti ni Mayor Rama. Mura naman nuon ug si Anabelle manulte, pataka lang ug pasagad. Ambot kaha na file na iyang kaso ni Garbo? Nka request na ba kaha na ibalhin na si Garbo? Wla mn gane sya kapili ug iyang CCPO chief... Pagkatoytoy.. Di ba Bob?

D_BystandeR wrote:
Atong hangyoon si "Sir Bob" nga tambagi intawon na imong amigo nga si Mike Rama kay magsige man kaha mo kuyog-kuyog kaniadto sa "sing-along." Ingna siya hunongon na niya ang iyang "pangisog" batok ni Director Garbo. Unya ug pangutan-on ra ba siya unsay kaso nga iyang ikiha dayon ug tubag, "Ako pa nang pa-estudyohan sa akong mga abogado." Naghilas-hilas lang ka Mike. Maayo pa nimo maghinayhinay na lang kag pamutos kay human sa eleksyon si Tommy O na ra ba maoy mopuli sa imong lingkoranan sa city hall. Sa dili madugay mahimo na kang sibilyan ug maayo pa nimo magkuyog mo si Madam Gwen kay nakumbikto na ra ba to sa Ombudsman way siguro'g matakdan ka niya ug duna say mokiha nimo sa Ombudsman unya makumbikto sab ka, mao nay maayo para nimo kay kusog ka...

(Bug-os ang  pasalamat sa KAHAYAG ngadto sa magtatampo  nga si JOHNNY LOVE. Nagtakuban siya sa pangalan, "D_BystandeR".  Natawo siya sa Sugbo apan anaa na karon manimuyo sa Illinois sa tinipong nasod sa Amerika. Ang kusog nga koneksyon sa kasayuran pinaagi sa internet kanunayng naghaling sa iyang kadasig  pagtuki sa mga nagbukalbukal nga hisgutanan dinhi sa atong nataran. Usa siya ka magsusulat nga gradwado sa kursong komersiyo padulong sa pagka accountant sa University of San Carlos kaniadtong tuig 1961.  Nahimo siyang miyembro sa usa ka hugpong sa mga batan-ong magsusulat nga gitawag ug STUDENT PRESS.  Nahimo usab siyang   Associate Editor sa basahon  USC-JPIAN sa tuig 1962-63. Magtatampo usab siya isip magsusulat sa nasudnong magasin,  "Philippines Free Press" ug sa mga nag-unang peryodiko dinhi sa dakbayan sa Sugbo sa lunhaw pa ang iyang pangedaron. Nahimo siyang mamumuo sa usa ka pribadong kompaniya sa dakbayan sa Sugbo, ESCAÑO LINES, sulod sa napulo ug duha (12) ka tuig  dayon niyang tapon  ngadto sa NAPOCOR  ug nahimong kawani sa kagamhanan  sulod sa bayente dos (22) ka tuig. Niadtong tunga-tungang bahin sa tuig 2000, nilalin siya ngadto sa tinipong nasod sa Amerika ug sulod sa napulo (10) ka tuig, nagtrabaho siya sa  buhatan sa kagamhanan sa nasod sama  sa  UNITED STATES POSTAL SERVICE (USPS).  Karon sa pangedaron nga 68,  gihuptan gihapon niya ang walay pagkutat nga kadasig ug walay busganan nga kaikag sa pagpaambit sa iyang nahuptang abilidad  ug kabatid sa panulat.  Dili niya mapugngan ang kaugalingon sa pagpaambit sa iyang mga hunahuna labi na kon molambigit kini ug hisgotanan nga makadani sa iyang mga mata.)


Comments

Popular Posts