Kaban ni D_BystandeR: KON WALA PA UNTA MANGINLABOT

Kon ang ilang gibuhat mao ra unta ang pag-atiman sa ilang trabaho ug way labut sa pag-apil-apil sa kagubot sa mga "dagkong elepante" dili unta sila mosangko sa pag-resign sa ilang katungdanan ang kanhi mga empleyado sa opisina sa suspended governor Gwen. 

Giabot na tingali sila ug kauwaw ngadto ni Gob. Agnes Magpale kay sa sinugdanan klaro man kaayo silang ni-entra sa kagubot nga wa man unta silay labot. Ug nagsalig tingali sila kay duna may libre nga serbisyo sa abogado nga gihatag ngadto kanila nga molaban nila sa 

ilang gipasaka nga kaso batok sa ilang gipanghinganlan nga mga personalidad didto sa hukmanan. 

But we cannot blame Gov. Magpale if they have finally reached their decision to resign from their job. 

In fact, Gov. Magpale expressed sadness as she viewed them as "efficient workers" who have already served their assigned task for a considerable length of time. But it is where loyalty is found "thicker than water." Better luck next time, guys and gals!

(Bug-os ang  pasalamat sa KAHAYAG ngadto sa magtatampo  nga si JOHNNY LOVE. Nagtakuban siya sa pangalan, "D_BystandeR".  Natawo siya sa Sugbo apan anaa na karon manimuyo sa Illinois sa tinipong nasod sa Amerika. Ang kusog nga koneksyon sa kasayuran pinaagi sa internet kanunayng naghaling sa iyang kadasig  pagtuki sa mga nagbukalbukal nga hisgutanan dinhi sa atong nataran. Usa siya ka magsusulat nga gradwado sa kursong komersiyo padulong sa pagka accountant sa University of San Carlos kaniadtong tuig 1961.  Nahimo siyang miyembro sa usa ka hugpong sa mga batan-ong magsusulat nga gitawag ug STUDENT PRESS.  Nahimo usab siyang   Associate Editor sa basahon  USC-JPIAN sa tuig 1962-63. Magtatampo usab siya isip magsusulat sa nasudnong magasin,  "Philippines Free Press" ug sa mga nag-unang peryodiko dinhi sa dakbayan sa Sugbo sa lunhaw pa ang iyang pangedaron. Nahimo siyang mamumuo sa usa ka pribadong kompaniya sa dakbayan sa Sugbo, ESCAÑO LINES, sulod sa napulo ug duha (12) ka tuig  dayon niyang tapon  ngadto sa NAPOCOR  ug nahimong kawani sa kagamhanan  sulod sa bayente dos (22) ka tuig. Niadtong tunga-tungang bahin sa tuig 2000, nilalin siya ngadto sa tinipong nasod sa Amerika ug sulod sa napulo (10) ka tuig, nagtrabaho siya sa  buhatan sa kagamhanan sa nasod sama  sa  UNITED STATES POSTAL SERVICE (USPS).  Karon sa pangedaron nga 68,  gihuptan gihapon niya ang walay pagkutat nga kadasig ug walay busganan nga kaikag sa pagpaambit sa iyang nahuptang abilidad  ug kabatid sa panulat.  Dili niya mapugngan ang kaugalingon sa pagpaambit sa iyang mga hunahuna labi na kon molambigit kini ug hisgotanan nga makadani sa iyang mga mata.)