Kaban ni Atty. Josephus B. Jimenez: SA DIHANG MIBALINTONG ANG KASINGKASING NI INGKO BENTONG . . . .

Pagka Badlongon Niining Bilyakong KasingKasing,

Ni Ingko Bentong Nga Bisan Ug Nag Kamoritsing,

Naningkamot Pa Gayod Nga Motuyhakaw,

Bisag Si Ingko Halos Dili Na Maka Lakaw,

Taas Kaayo Ug Mga Pangindahay,

Nga Maka Kita Ug Mag Palangga Nga Inday.

Mao Nga Namirenda Sa Iyang Basakan,

Ang Tigulang Nga Kuragan,

Kay Gipalit Ug Balay Alang Kang Marrieta

Gipakapinan Pa Ug Kotseng Toyota,

Unya Aron Makompleto Ang Regalo,

Gipaubanan ug Driver Nga Guapo.

Unya lagi Sa Kapulihay Sa Panahon,

Si Marrita Gi-agaw Sa Driver Nga Balbon,

Karon Si Ingko Bentong Gi-Atake Sa Kasingkasing,

Ang Gugma Niya Pag Budhi Diay Ang Salingsing,

Ang Gugma Ni Ngko Mi Balentong,

Looy Kaayo Si Ingko Bentong....bow.... 

(Bug-os ang pasalamat sa  KAHAYAG  ngadto sa nagsulat sa  garay    nga si  ATTY. JOSEPHUS B. JIMENEZ.   Usa siya ka kanhi Department of Labor and Employment  (DOLE)  Undersecretary, kanhi Vice President, PEPSI COLA PHILIPPINES, kanhi Director for Labor Relations, SAN MIGUEL CORP., kanhi Personnel Director, PETRON ug PNOC, magtutudlo sa kurso sa abogasya sa mga dagkong tunghaan sa Manila sama sa UST, FEU, UE, SAN SEBASTIAN,  kanhi Labor Attache ngadto sa mga nasod sa Malaysia, Kuwait ug Taiwan,  magsusulat sa nagkadaiyang libro sa mga nagtuon sa kurso pagka abogado. Nagikan siya  sa pamilya nga taga Ronda, Dumanjug ug Argao sa lalawigan sa Sugbo. Malamposon kaayo siya sa pagkab-ot sa iyang damgo ug tinguha, ug karon magtampohan sa peryodikong The Freeman isip magsusulat ug artikulo matag semana. Siya ang tigtukod sa grupo sa mga magsusulat nga magtatampo sa grupong LAB-OK  kon  LUNSAY NGA AMBAHAN SA MGA BISAYA SA FACEBOOK)