Kaban ni D_BystandeR: SINUKLIAY SA HUNAHUNA

Sarah wrote, in response to D_BystandeR:

let's give Tommy a landslide victory! ato patagmon nis Mike nga tua dapig sa mga politikong mga way ayo......

D_BystandeR wrote:

Lain na sab ning "pabuhi sa dugo" ang gipasiatab sa bakakon nga suspended governor Gwen. "Cebu is solid for UNA" - Asa ka solid? Wa pa gani mauga ang imong laway sa pagpanghambog nga si Gibo Teodoro nga nilansar sa miaging eleksyon nga gisabak ninyong duha nga pulos korakot - si Ate Glo ug ikaw - nga imong hatagan ug makabungog nga mayoriya dinhi sa Cebu unya nahiagom hinoon sa labing makauuwaw nga kaparotan niya unya nia na sab ka, wa gyud ka motagam. Usapa unya nang imong gipanghambog nga "Cebu is solid for UNA," ang mahitabo niana mao nga subli-on na sab sa mga maboot nga Sugboanon ang paglampaso sa mga politiko nga imong gipaluyohan. Aron ka masayud ang mangharos 'ron sa tibuok Cebu mao ang Team ni P-Noy ug sa Cebu City ang modaug sa usa ka tukma ug ha...

(Bug-os ang  pasalamat sa KAHAYAG ngadto sa magtatampo  nga si JOHNNY LOVE. Nagtakuban siya sa pangalan, "D_BystandeR".  Natawo siya sa Sugbo apan anaa na karon manimuyo sa Illinois sa tinipong nasod sa Amerika. Ang kusog nga koneksyon sa kasayuran pinaagi sa internet kanunayng naghaling sa iyang kadasig  pagtuki sa mga nagbukalbukal nga hisgutanan dinhi sa atong nataran. Usa siya ka magsusulat nga gradwado sa kursong komersiyo padulong sa pagka accountant sa University of San Carlos kaniadtong tuig 1961.  Nahimo siyang miyembro sa usa ka hugpong sa mga batan-ong magsusulat nga gitawag ug STUDENT PRESS.  Nahimo usab siyang   Associate Editor sa basahon  USC-JPIAN sa tuig 1962-63. Magtatampo usab siya isip magsusulat sa nasudnong magasin,  "Philippines Free Press" ug sa mga nag-unang peryodiko dinhi sa dakbayan sa Sugbo sa lunhaw pa ang iyang pangedaron. Nahimo siyang mamumuo sa usa ka pribadong kompaniya sa dakbayan sa Sugbo, ESCAÑO LINES, sulod sa napulo ug duha (12) ka tuig  dayon niyang tapon  ngadto sa NAPOCOR  ug nahimong kawani sa kagamhanan  sulod sa bayente dos (22) ka tuig. Niadtong tunga-tungang bahin sa tuig 2000, nilalin siya ngadto sa tinipong nasod sa Amerika ug sulod sa napulo (10) ka tuig, nagtrabaho siya sa  buhatan sa kagamhanan sa nasod sama  sa  UNITED STATES POSTAL SERVICE (USPS).  Karon sa pangedaron nga 68,  gihuptan gihapon niya ang walay pagkutat nga kadasig ug walay busganan nga kaikag sa pagpaambit sa iyang nahuptang abilidad  ug kabatid sa panulat.  Dili niya mapugngan ang kaugalingon sa pagpaambit sa iyang mga hunahuna labi na kon molambigit kini ug hisgotanan nga makadani sa iyang mga mata.)