MGA KALAINAN SA BINISAYA UG INAMERKANO

ANG BINISAYA

ang binisaya gahi, may moingon,  

ang magbinisaya isug paminawon,

mulahutay kon imong tugawon,

dili muatras kon imong  hagiton,

moyangoyango kon imong paalagaron,

bantok, mais ang paboritong kan-onon,

dili mosibog bahala’g magkadusingot

dili muatras   bisan  pa’g asa mangabot,

gikan sa inibtanay’g bungot ug pilok

hangtod sa inupaway’g buhok,

lakip na  sa ugatong paningkamot,

kini dili gayod  magpaparot.

ANG   INAMERKANO

may mga pinulongan’g  atong nasinatian

sama sa inamerkano’ng lumoy pamation,

dali ra kaayo kining  puklingon,  

kon pagahiay na ang paminawon,

dali’ng modukoduko mura’g manggiulawon,

gasalig sa gitas-on,  apan humok pa’s   mamon.

hitsas sa pagkaon, apan magtablitas kon hagiton

sa tabyog ug undak sa  buhat nga tawhanon

sa lahutay,  kini kanunay’ng  agdahonon,

mahasirilsiril,  pangontra ug tubag kaplagon

batok sa binisaya’ng  mobarog sa kamapasigarbohon

sa hudyaka ug katawa ang binisaya, magmadaugon.