GANGHAAN

Ginaingon,  aron makasulod sa gustong sudlan

Kitang tanan,  kinahanglanon’g  muagi ug ganghaan,

Mopahibalo, mananghid aron ganghaan ablihan

Dili masayonsayon ang pagsulod sa ganghaan

Matag sulod tinugutan, matag gawas gitutokan

Ganghaan, modala sa kalamposan ug kaparotan

Sugo sa maayong pamatasan ang pagpananghid

Kon  mosolud ug mogawas sa ganghaan, ikaw  maniid,

Magsusisusi,  basin sa kaulahian ikaw mangyamiid

May makasulod ug ganghaan nga  panglimutan,

Sa dugay’ng panahon kuno,   siya ang gitugyanan

Apan  nahimong kataw-anan,  siya gisumsoman

Hungaw’ng pangangkon lang diay ang tanan

Bisan miabot na sa kinapungkayan ang binuhatan

Katawhan gipul-an,  ganghaan angayan’g tak-opan!!!