PASALAMAT
may magpasalamat, may modawat ug pasalamat,
may magpasalamat nga ikahibulong sa gipasalamatan,
walay okasyon, apan may pasalamat kay diay giunhan
sa mahimong dawatonon,
ang gipasalamatan gihatagan
ug hunahunaon, aron makatunol, makahatag mapasalamatan.
sa tinuoray, magikan
kini sa kinauyokan’g galamhan,
masinati sa pulong ug
putli’ng tinan-awan,
sa kadaghanan, kini
lumalabay lamang,
apan kining tanan tulukibon ug dili makalimtan,
ang pagpasalamat, timailhan sa maayong pamatasan,
kinaiyanhong gasa’ng nagsukad pa sa kabataan,
sa adlaw’ng gikahinaman,
sa mga dagkong kasaulogan,
sama sa adlawo’ng natawhan, ang pasalamat magauban
sa pag-angkon ug maayong panglawas, may pasalamat
sa ting-usbawan ug mga pagsulay, may magpasalamat,
ang pasalamat moabot,
madungog, mabasa ug masabot,
ug kini ihatag, sa
tumang kalipay ug kahimuot.
Comments