Kaban ni D_BystandeR: NINDOT ANG PAGSULAT NGA WALAY MO-BARAW???

Mao nay maayo nimong buhaton Bong nga maghisgut ka ug topic nga wa gyuy mo-baraw nimo. Malipay pa ang mga tawo nga mobasa kay sama sa imong gilab-as ang ilang panumdoman sa kanhi karaang Sugbo. Apan kon maghisgut na gani ka kang Madam Gwen unya klaro kaayo ang imong pagtuis sa "estorya" wa gyuy malipay Bong. I understand  you are instructed not to discuss under the "Unofficial Code of Silence" anything that would put in "bad light" or undermine the "good image" of  Madam Gwen. Pero para nako Bong looking for other topics aside from Madam Gwen is the best option for you to do. Di pa masilo ang imong mga karaang mga followers who value the "sharpness" of your pen in crystallizing the burning issues of the day as what you did in the past. To play it safe Bong you can look for other matters but never on Gwen para dili mangasuko ang imong mga magdadayeg. Anyway Bong inig-abut sa panahon nga di na ka "ginawngan" makasuwat pa gihapon ka ug balik sa imong paboritong abilidad - ang imong pagkalarinong mohinguto sa mga nagbokalbokal nga isyo sa lungsod. Nakahuwat gani ka sa sulod sa bayente ka tuig nga martial law ni Marcos ug sa sulod sa siyam ka tuig ni GMA. 

Inigkahuman sa eleksyon Bong kay wa na man silay rason nga sigihon pa ang paglisudlisud ninyong mga "columnists" kay ang mga Garcia dunay nanagna nga "nahuman na ang ilang salida" ug wa nay bisan usa ka Garcia nga mobarug human sa eleksyon tungod sa sobra nilang "kamapahitas-on" nga wa motahud sa balaod sa dihang gisuspenso ni Presidente Noynoy si Gwen sa iyang pagka-gobernador sulod sa unom ka buwan.

(Bug-os ang  pasalamat sa KAHAYAG ngadto sa magtatampo  nga si JOHNNY LOVE. Nagtakuban siya sa pangalan, "D_BystandeR".  Natawo siya sa Sugbo apan anaa na karon manimuyo sa Illinois sa tinipong nasod sa Amerika. Ang kusog nga koneksyon sa kasayuran pinaagi sa internet kanunayng naghaling sa iyang kadasig  pagtuki sa mga nagbukalbukal nga hisgutanan dinhi sa atong nataran. Usa siya ka magsusulat nga gradwado sa kursong komersiyo padulong sa pagka accountant sa University of San Carlos kaniadtong tuig 1961.  Nahimo siyang miyembro sa usa ka hugpong sa mga batan-ong magsusulat nga gitawag ug STUDENT PRESS.  Nahimo usab siyang   Associate Editor sa basahon  USC-JPIAN sa tuig 1962-63. Magtatampo usab siya isip magsusulat sa nasudnong magasin,  "Philippines Free Press" ug sa mga nag-unang peryodiko dinhi sa dakbayan sa Sugbo sa lunhaw pa ang iyang pangedaron. Nahimo siyang mamumuo sa usa ka pribadong kompaniya sa dakbayan sa Sugbo, ESCANO LINES, sulod sa napulo ug duha (12) ka tuig  dayon niyang tapon  ngadto sa NAPOCOR  ug nahimong kawani sa kagamhanan  sulod sa bayente dos (22) ka tuig. Niadtong tunga-tungang bahin sa tuig 2000, nilalin siya ngadto sa tinipong nasod sa Amerika ug sulod sa napulo (10) ka tuig, nagtrabaho siya sa  buhatan sa kagamhanan sa nasod sama  sa  UNITED STATES POSTAL SERVICE (USPS).  Karon sa pangedaron nga 67,  gihuptan gihapon niya ang walay pagkutat nga kadasig ug walay busganan nga kaikag sa pagpaambit sa iyang nahuptang abilidad  ug kabatid sa panulat.  Dili niya mapugngan ang kaugalingon sa pagpaambit sa iyang mga hunahuna labi na kon molambigit kini ug hisgotanan nga makadani sa iyang mga mata.)