BUKOT

buhat nga pagtabon,   pagpailawom,

sagang batok sa subrang katugnawon

alkontra  sa panuhot nga mapasipad-on, 

habol, lampin, nuog,  pagkadaghan’g  mabukot

hasta gakos nga nagdala’g kahigwaos mabukot

walay hangin palutson, kon  hugot ang pagbukot

daghan ang binuhat nga gustong magbukot

may mahiligon, buntag, udto, gabii magbukot

diay, gustong mohuot, manghuot kay magpahuot

sa  kababayen-an,  bantayanan ang pagbukot,

bisan pa’g   unsaon, dili gayud madala ug kulismaot,

kon ang  tiyan moburot, sa pagsige ug bukot

sa kalaken-an,  may pipilang  magsige’g bukot,

walay igo’ng hinundan basta kanunayon’g magbukot

diay may gilikayan, human sa pagpatuyang ug bukot

siya gipangitaan, gipakisayran kon iyang barogan

iyang katungdanan,  may binuhat diay’ng miburot

ang tiyan, human niya bukoti sa saad niyang nahurot.

daghan ang lantugianan, kon tinuod maoy bukotan

dili kini mahimong pangitngitan, mas  dili matagoan,

mas maayo pay ipagawas sa dili pa ulahi ang tanan.