Kaban ni D_BystandeR: KUWARTA SA KABAN, NASIKWATE!!!

Mao nay giingon nga bisag unsaon nimo'g tago imong kwarta basta nasuwat na ang swerte nga dangatan sa imong salapi kun para asa gastohon wa gyud kay mahibilin, abug na lay maimo sa katapusang sumada. 

Usa ka kanhi sakop sa Philippine Constabulary (PC) gitulis ug nakuhaag dul-an sa milyon ka pesos nga cash, alas dos sa miaging kaadlawon sa Barangay Pandacan, lungsod sa Pinamungahan. Si Alfonso Pama, 81, biyudo ug sakop sa kanhi PC, bun-og ang nahiaguman dihang gibunalag kahoy sa usa sa tulo ka tulisan nga nag-bonnet, diin usa niini babaye. Ang rason nganong wa ideposito sa banko kay hadlok sa "bank run" maong gitipigan sa iyang kaban apan didto siya masango sa "inside job" kay ang mitulis kaniya nagtaptap man sa ilang nawong: duha ka lalaki ug usa ka babaye. Maayo na lang wa siya tiwasi kay igo lang siyang gi-"disable" kay kun wa pa to malooy niya wa na unta ron siya dinhi uban kanatong mga buhi. Dunay usa ka tawo mihukom nga di na manigarilyo. Sulod sa pipila ka mga tuig ang iyang igpapalit ug sigarilyo iyang gisuksuk sa sulod sa lungag sa usa ka dibisyon sa iyang balay. Tingali miabut na ugtunga sa milyon ka pesos ang iyang natigum sulod sa maong lungag nga gihimo niyang alkansiya.  Apan sa wa damha nasunog ang iyang balay ug naapil ug kasunog ang tanan niyang tinigum. Nakaingon siya, bisan pa diay ug unsaon niya'g tigum tungod kay ang iyang kwarta nahisulat na nga para sa sigarilyo gipangitaan ug laing paagi nga mahanaw ra gihapon pinaagi sa kalayo kay di ba ang sigarilyo imo man usang duslitan aron imong mahanggap ang aso niini. Hehehe!