Kaban ni Atty. J. B. Jimenez: ANG MGA DUMUDUONG NGA BANYAGA' BASTA NALANG BANG MAMUSIL?

i

Kon ang Usa Ka Pilipino Makasala' Sa Balaod,

Isip Mga Dumuduong Didto Sa Ubang Nasod,

Sa Diha Diha Dayon Sa Bilangguan Sila Padayon,

Kon Dili Man Hinoon, Bitayon, Liog Ang Pul-ongon.

Apan Kining Mga Dumduong Sa Atong Yutang Natawhan,

Pala-away Na Sa Hinagiban Pa Gitugotan Sa Kagamhanan,

Hain Naman Diay Ang Gun Ban Nga Gipahigayon Karon?

Nganong May Mga Abusado Nga Makabuhat Sa Ingon?

ii

Kining Mga Banyaga Nga Dumduong Sa Atong Dapit,

Basta Nalang Bang Mamusil Ug Magdala Ug Mga Kasakit??

Nganong Gihatagan Ug Lisensya Kining Mga Pala-away ?

Nganong Kitang Mga Malinawon Paga Hasi-on Ning Panuway?

Unsay Gibuhat Sa Mga Sekyo Ug Mga Bantanyng Kapolisan?

Nganong Gipasagdan Nga Makalusot Kining Mga Kanahan?

Unsay Birtud Sa Mga Kuwartahang Mga Dumuduong,

Nangong May Dakong Kaisog Manggubot Kanang Mga Gunggong?

iii

Napuno Na Sa Mga Hapon, Koreano, Amerkano Ug Canadian,

Matag Suok Sa Atong Mga Lungsod Ug Mga Dakbayan,

Mga Dumuduong Na Ang Nanag Hari Sa Mga Beach Resorts Nato',

Kitang Mga Lumad Mao Na Hinooy Mga Estranghero Sa Ato',

Nganong Ang Kagamhanan Gipasulabi Kining Taga Laing Nasod,

Unya Kitang Mga Taga Dinhi Mao Nay Magkalisod Lisod?

Angay Na Silang Hinginlan Ug Kinahanglang Palayason,

Sama Sa Ilang Pagdaog Daog Sa Mga Pinoy Sa Laing Nasyon?

(Bug-os ang pasalamat sa  KAHAYAG  ngadto sa nagsulat sa  garay    nga si  ATTY. JOSEPHUS B. JIMENEZ.   Usa siya ka kanhi Department of Labor and Employment  (DOLE)  Undersecretary, kanhi Vice President, PEPSI COLA PHILIPPINES, kanhi Director for Labor Relations, SAN MIGUEL CORP., kanhi Personnel Director, PETRON ug PNOC, magtutudlo sa kurso sa abogasya sa mga dagkong tunghaan sa Manila sama sa UST, FEU, UE, SAN SEBASTIAN,  kanhi Labor Attache ngadto sa mga nasod sa Malaysia, Kuwait ug Taiwan,  magsusulat sa nagkadaiyang libro sa mga nagtuon sa kurso pagka abogado. Nagikan siya  sa pamilya nga taga Ronda, Dumanjug ug Argao sa lalawigan sa Sugbo. Malamposon kaayo siya sa pagkab-ot sa iyang damgo ug tinguha, ug karon magtampohan sa peryodikong The Freeman isip magsusulat ug artikulo matag semana. Siya ang tigtukod sa grupo sa mga magsusulat nga magtatampo sa grupong LAB-OK  kon  LUNSAY NGA AMBAHAN SA MGA BISAYA SA FACEBOOK)