HUBOG

Sa mamingaw'ng suok, ikaw maghubog-hubog

pulong nga magumikan  sa subrang inom,

magsusapinday ka, magsarasay kon palakton,

hunahuna ray magdako kon pasultion,

ang tinuod diay, dili makaingon ug dili makainom,

dili pud  makasulat,  inom ang unahon padung sa buluhaton

kon walay   mainom,  kanunay’ng walay panahon.

daghang butang  ug dili lang inom ang makapahubog,

ang pagkagamhanan ug pagkaadunahan makapahubog,

bisan ang katahom, kini usab makapahubog,

kon ikaw mabalibaran,  modangop ka’g  hinubog,

 modayon ka’g pitokpitok,  mosulod ang kalibog,

ug sa mamingawong suok, ikaw maghubog-hubog.