Kaban ni D_BystandeR: NATUGKAN UG NERBIYOS SI MIKE???






Usa lang ni ka timailhan nga si Mike Rama gitugkan na ug nerbiyos sa umaabut niyang kapildihan diha sa mga kamot ni Tommy O. Bisan pa ug kapila siya ibalikbalik ug anunsyo sulod sa balaanong kalihokan sa Sinulog apan dili na makapi-og sa kalagot nga gihambin sa katawhan batok sa iyang pagdaugdaug sa mga kabus natong mga kaigsuonan sa syudad sa Sugbo nga naghuwat na lang sa adlaw sa piniliay aron huboan siya sa iyang purol sa pagka-mayor sa Sugbo aron ipuli diha ang pinalanggang anak ni Serging Osmena nga mao si Tommy.
Ang iyang gibuhat nga pamolitika atol sa Sinulog bisan pa man sa iyang gipasidaan nga dili gamiton sa pangampanya ang maong kasaulogan maoy usa ka dakung tamparos sa kasagrado sa atong  Senyor Santo Nino ug nga tungod niining dakung bugalbugal nga iyang gihimo makuha niya isip silot gikan sa milagrosong bata ang usa ka mapait nga kaparotan sa iyang tibuok politikanhong kinabuhi kay mahimo naman unya siyang usa ka ordinaryong tawo human sa eleksyon.



(Bug-os ang  pasalamat sa KAHAYAG ngadto sa magtatampo  nga si JOHNNY LOVE. Nagtakuban siya sa pangalan, "D_BystandeR".  Natawo siya sa Sugbo apan anaa na karon manimuyo sa Illinois sa tinipong nasod sa Amerika. Ang kusog nga koneksyon sa kasayuran pinaagi sa internet kanunayng naghaling sa iyang kadasig  pagtuki sa mga nagbukalbukal nga hisgutanan dinhi sa atong nataran. Usa siya ka magsusulat nga gradwado sa kursong komersiyo padulong sa pagka accountant sa University of San Carlos kaniadtong tuig 1961.  Nahimo siyang miyembro sa usa ka hugpong sa mga batan-ong magsusulat nga gitawag ug STUDENT PRESS.  Nahimo usab siyang   Associate Editor sa basahon  USC-JPIAN sa tuig 1962-63. Magtatampo usab siya isip magsusulat sa nasudnong magasin,  "Philippines Free Press" ug sa mga nag-unang peryodiko dinhi sa dakbayan sa Sugbo sa lunhaw pa ang iyang pangedaron. Nahimo siyang mamumuo sa usa ka pribadong kompaniya sa dakbayan sa Sugbo, ESCANO LINES, sulod sa napulo ug duha (12) ka tuig  dayon niyang tapon  ngadto sa NAPOCOR  ug nahimong kawani sa kagamhanan  sulod sa bayente dos (22) ka tuig. Niadtong tunga-tungang bahin sa tuig 2000, nilalin siya ngadto sa tinipong nasod sa Amerika ug sulod sa napulo (10) ka tuig, nagtrabaho siya sa  buhatan sa kagamhanan sa nasod sama  sa  UNITED STATES POSTAL SERVICE (USPS).  Karon sa pangedaron nga 67,  gihuptan gihapon niya ang walay pagkutat nga kadasig ug walay busganan nga kaikag sa pagpaambit sa iyang nahuptang abilidad  ug kabatid sa panulat.  Dili niya mapugngan ang kaugalingon sa pagpaambit sa iyang mga hunahuna labi na kon molambigit kini ug hisgotanan nga makadani sa iyang mga mata.)

Comments

Popular Posts