KALAMPOSAN SA KASAULOGAN, KADAUGAN NATONG TANAN

Nagmalamposon ang pagsaulog sa kapistahan sa balaang patron sa Sugbo, SENYOR  SANTO NIÑO.  Minilyon ang gidaghanon sa mitambong, mihugpa, misaulog, mipaambit sa pagkamainiton ug hugot nga  pakigsandurot tungod ug alang sa milagrosong bata sa harang dakbayan sa Sugbo.

Atong nakab-ot ang kalamposan ug kahiusahan taliwala sa bagang duot sa katawhan nga nagikan pa sa lagyong kapupud-an ug kanasoran. Miasdang sa kalisdanan nga naagian, wala manumbaling sa kainit nga hilabihan, mga pagyukbo atong nasaksihan, gasa sa panaghiusa  ug pabinatiay atong napamatud-an. Kalamposan sa kasaulogan, kadaugan natong tanan.