BAHANDIANON ANG SUGBO SA TURISMO

Chicharon sa Carcar

Mga dalaygon kong kaigsoonan,  ang inyong panaghugpong,  ang gipakita ninyong kadasig sa pagtugkad ning   buhilaman sa atong kultura,  ang mga tinipigang kabilin nga nahimo na karon’g mapasigarbohon’g sentro sa turismo maoy buhing saksi sa kabahandianon sa atong nasod.

Torta sa Argao

Sa akong pangedaron,  sa taas nakong kasinatian sa pagpangalagad sa katawhan,  dili na maihap ang akong nasud-ongan nga   nagkadaiyang buhat nga magpaila  sa  kamahigalaon, kamanggihunahunaon ug kamatinabangon sa mga binuhat nga nailhan na kaayo sa tibuok nasod nga mga Sugbuanon.  Apan bisan pa gani sa hiniusang kainila sa mga Sugbuanon, mas nahimo pa kining mabulokon tungod sa pinulongang Binisaya nga sagad mopaila sa pinagahi ug pinahumok nga paglitok  niini depende sa lungsod nga atong  mahimutangan ug gigikanan dinhi sa probinsiya sa Sugbo.   Gikan  sa kagumkom nga Chicharon, Ampao ug higante’ng Sapatos  sa Carcar, Torta sa Argao, Budbod Kabog sa Sogod,  Bingkang pinaliki sa Mandaue, ug sa daghan pang mga kalan-on nga nagdala sa kabantogan sa mga Sugbuanon, nagpaila kini sa  hubo nga kamatuoran,  adunahan ang Sugbo sa kultura, kabilin ug turismo.

Budbud Kabog

No doubt,   we  have  earned the reputation of being tagged as the “ASEAN CITY OF CULTURE”.  We stand on the crest of popularity among the various provinces of our country from Apari to Jolo.  Despite our diverse archipelagic location  being one of the   7,107 islands,   we stand mighty proud of what we have been investing all these years of our existence, that is GOODWILL  among other people of different  creed and color,  and ENRICHMENT of our own  talents,  skills, beliefs and practices which can never  be found in  places other than Cebu.  

As Secretaries,  I am certain that you have fully developed your eyes and ears to note every word in  every session needing transcription. I know that you have mastered the ease and confidence   to perpetuate into the records the unfolding events on the floor during deliberations with meticulous precision.  But your coming to Cebu is a different experience.  You can very well see for yourself, the rationale, the rhyme and reason why Cebu’s culture, heritage and tourism is known as the ASEAN CITY OF CULTURE.

Bingka'ng Pinaliki

Dili mahubit sa pulong, ug dili gayud paigo ang tibuok adlaw kon hisgotan ta ang daghan pa kaayong kapasikaran  kon nganong nahimo’ng sentro’ng dakbayan ang Sugbo sa kultura,  kabilin ug turismo. Apan sultian ko kamo, ang tam-is ninyong mga pahiyom,  ang kadasig nga inyong gipakita, kanunay na kining mahimong tipik ug kabahin sa tinipigan namong kaban sa kamaabiabihon. 

Sa makausa pa,  alang kaninyong  tanan nga nagpanikad na aron tugkaron ang  mga buluhaton sa musunod nga mga adlaw,   niining dako nga kahugpongan nga naglambigit sa mga representante sa lain-laing kapupud-an,  akong ipaabot ang akong pahalipay sa makabungog ninyong kalamposan.