Kaban ni Estela: KATIGAYUNAN

KATIGAYUNAN

Daghan ang nangandoy nga makabaton ug daghang katigayunan..

Buhaton ang tanan aron mahatagan ug katumanan ang gihambin sa dughan..

Apan unsa ba gayud ang bili kon maimo ang daghang katigayunan ug magpuyo nga buhong sa tanan?

Makabaton ka na ba ug katagbawan?

Mga pipila lamang kana ka pangutana nga lisod pangitaan ug tukmang tubag..

Tungod kay ang katigayunan dili sulbad sa tanan tang panginahanglan..

Mag-unsa ang bahandi kon dili kini ikapalit ug tinud-anay nga kalipay?

Ug labaw na nga dili mapalit niini ang tiunay nga gugma..

Busa higala pagmata..hinuktuki kon unsay mas labing bililhon ning kalibutana!

(Bug-os ang pasalamat sa KAHAYAG ngadto sa nagsulat sa garay nga si  Estela Parnoncellon-Jorza,  usa sa mga binuhat nga naghupot ug bulawanong pluma sa panulat sa pinulongang binisaya, kang kansang mga sinulat napatik  sa grupo Ludabi sa Facebook).