TION

buhat nga makatandog,

imong balahibo mamarog,

ang pagtion maoy pagtudlo

 mowara-wara daw nasuko

nga pinaubanan ug mando,

magkadaiya ang buhat nga pagti-on,

depende sa butang nga gigamit sa pagti-on,

adunay ti-on nga magdala ug kahadlok

manuslok ug pagbating manggimok,

maadlaw man o lawom nga kagabhion,

naghitak ang pagpanion, kon babaye ang ti-onan,

kini maoy sinugdanan sa pagkatap sa kaliwatan,

sa kadugayon sa pagti-on,

dili masabot ang imong bation,

may magti-on dayon pangidhat,

may magpiyong daw may gihulat,

kay diay ang nanion ug ang gitiunan

nagtugkad sa buhat nga gikahidlawan,

ti-on kini nga maghatod ug katagbawan,

 nagumikan sa dumpol nga hinagiban.