PUGOS

buhat nga magpasabot ug pakusog,

 paubanan kini ug pataas nga  tingog,

 ang pugos mahimo sa sulat ug sa buhat,

 may pugos pinaagi sa  kilay'ng pinaiknat,

 may pipilang agdahonon ug pugos,

 adunay maghulat aron sila mapugos,

 kon sa pulong ikaw mahutdan

 aron ang pamugos  mabalibaran,

 itugyan na lang ang tanan,

hangyua lang nga ikaw mabinlan,

sa kumbira , sa dagkong kinan-anay

mga bata,  duot  sa tawo hasta estambay

may modapit nga daw napugos,

ubos sa kagutom ug kahigwaos

ang giimbita motando  mura’g napugos

manggiuwawon,   tubag daw  pinugos,

apan sa lahutay,  nagtakuban  lang diay,

 sa habhab ug kaon  dili mobiya hangtud mahapay.

  kon dili pabuthan ug rebentador
ikaw mahutdan  hasta  kutsara ug tinidor.